Aalisartut Ilulissaneersut Københavnimi oqalugiassapput
Tamanna pissaaq sila pillugu Københavnimi decemberimi ataatsimeersuartoqalerpat. Oqariartuuteqassapput Ilulissaneersut Johannes Mathæussen umiatsiaararsortoq aamma Ville Siegstad, Klimaforum 09-mit qaaqqusaasut. Johannes Mathæussenillumi oqariartuutissani nalunngilaa:
- Illit uangalu pisussaaffigaarput silaannarmik minguitsumik najooqqaanissarput. Taamaattumik inuit pingaarutilissuit oqarfiginiarpakka:
Ilissi pisussaaffigaarsi nunarsuarmi silaannaap mingutsinneqarnerata millisarneqarnissaa.
Silap kissakkiartornerata Ilulissat kangerluanut sunniutai sammineqaraangata, tusagassiortut Saudi Arabiameersut, Japanimeersut Korea Kujallermeersullu Johannes Mathæussenip suleqatigisarsimavai,
Ilulissat kangiani ukiut 15-it matuma siorna qimusserluni aalisartarnermigut allanngorneq takoreersimavaa:
- Siku miiterit tallimat angullugit issusseqaraluarpoq, ullumikkullu miiterimik ataatsimik ilami allaat immaqa 50 centimiiteriinnarnik isussuseqalerpoq, allanngorneq tassa taama malunnartigaaq.
Nammineerluni aamma isertuutinngilaa mingutsitseqataagami.
- 2 taktimik aquuteralaqarpunga aalisarlunga atortakkannik.
Johannes Mathæussen aamma Ville Siegstad minutsinni 45-ni silap kissakkiartornerata Kalaallit Nunaannut sunniutai oqaluttuarissallugit periarfissinneqarput.