- Aalisartut taamarsuaq utaqqisinnaanngillat, ukua allat takornarialerisunaasiit kisimik pineqalerput taperserneqarlutik, aalisartut minnerutitaanialerpunaasiit, Johannes Mølgaard oqarpoq.Assi: KNR/Anton Gundersen Lihn

Aalisartut ikiorsiissutinut utaqqikatattut

Aningaasaqarnermut naalakkersuisoqarfik, KNAPK Sulisitsisullu pisariaqartitsinermik misissuipput, ikiorsiissutit suli piariinngillat. Qeqertarsuarmi aalisartut utaqqikatalersut, peqatigiiffianni siulittaasoq oqarpoq.

Nualluutip coronap ajornartorsiortitsinerani takornarialerisut aningaasatigut ikiorserneqarput, aalisartut aamma piaartumik ikiorserneqarusupput.

- Ikiorsiissutit Qeqertarsuarmi aalisartunut pisarialerujuupput, saarulliit akii apparnikupput taavalu coronap suna tamaat killilernikuullugu, aalisarneq Qeqertarsuarmi ingerlanerluttorujuuvoq, APPQ-mi siulittaasoq, Johannes Mølgaard, KNR-imut oqarpoq.

KNAPK, Sulisitsisut Naalakkersuisullu aalisartunut ikiorsiissutissanik misissuiniarlutik suleqatigiissitamik juulip aallartinnerani pilersitsipput. KNAPK-p siulittaasuata ikiorsiissutit qanoq ittuunissaat, aggustip qaammataata qiteqqunnerani ersarinnerulernissaat neriuutigaa.

- Aalisartut qanoq ittumik ikiorsissuteqartoqassasoq, una qaammat qiteqqutsinnagu paasisaqarnissaat neriuutigilluinnarpara, Henrik Sandgreen oqarpoq.

Utaqqisinnaanngitsut

Qeqertarsuarmiulli utaqqisinnaanngillat, taakkua aasaq manna agguaqatigiissillugit isertitaat, siorna aasaaneranut sanilliullugit pingasorarterutaasa missaanniilersimasut, APPQ-mi siulittaasoq oqaluttuarpoq.

- Aalisartut taamarsuaq utaqqisinnaanngillat, ukua allat takornarialerisunaasiit kisimik pineqalerput taperserneqarlutik, aalisartut minnerutitaanialerpunaasiit, aalisartut aamma pisariaqartitsipput ikiorserneqarnissaminnut, Johannes Mølgaard oqarpoq.

AAMMA ATUARUK Aalisartunut ikiorsiissutit misissorneqartut

Taassuma angallataatiliinnaat ikiorserneqassanngitsut, umiatsiaararsortulli aamma ikiorserneqassasut kissaatigaa.

Sulisitsisut suleqatigiissitap suliaata killiffia pillugu oqaaseqarusunngillat, aningaasaqarnermullu naalakkersuisoqarfik innersuussutigalugu. Taakkua suleqatigiissitami ataqatigiissaarisuupput.

Naalakkersuisoqarfilli KNR-imiit saaffiginnissummut suli akissuteqanngillat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat