Aalisartut eqqartuussivimmut suliassanngortitseqqiinerat ullumi aallartissaaq

Aalisartut arfinillit Nuup umiarsualivianik 2009-mi assersuisimanerminnut atatillugu inuiaqatigiit ingerlanneqarnerannik akornusersuisimasutut Nuup eqqartuussiviani eqqartuunneqarnertik suliareqqitassanngortitsinerannut suliaq ullumi aallartissaaq.
Assi © : KNR
Allattoq Jonas Fievé
marsip 16-at 2016 06:26
Nutserisoq Mads Lynge

Aalisakkat qaleruallillu akiisa minnerpaaffilerneqarnissaannik KNAPK-p piumasaqarnera 2009-mi assersuinermut tunuliaqutaavoq. Saarulliit akiisa apparneranni nunatta karsia akiliisassasoq aalisartut isumaqarput, aalisarnermulli taamanikkut naalakkersuisoq Ane Hansen piumasaqaammut akuersiumanngimmat, aalisartut Nuumi umiarsualivik 2009-mi juulimi ulluni marlunni assersorpaat.

Aamma atuaruk Aalisartut eqqartuussivimmut suliassanngortitseqqiinerat kinguartinneqartoq

Suliaq eqqartuussisutigut suliarineqassanersoq politiit kingorna misissulerpaat, aalisartullu arfiniliusut ingerlatsinikkut akornusersuisimasutut  pineqaatissinneqarnissaannik siorna tamanna kinguneqarluni.

Suliaq Nunatta Eqqartuussisuuneqarfiani ukioq manna februaarimi suliarineqalertussaagaluarpoq, taamanili silap ajornera pissutaalluni Nunatta eqqartuussisuunera anngussinnaasimanngimmat suliareqqitassanngortinneqarnera kinguartinneqarpoq.

Aamma atuaruk Umiarsualivimmik assersuineq Nunatta Eqqartuussisuuneqarfiani suliarineqassaaq

Aamma atuaruk Aalisarnermut ataatsimiititaliami siulittaasoq isornartorsiorneqarpoq

Aamma atuaruk Aalisartut umiarsualivimmik assersuipput

Aamma atuaruk Fiskere afviser Ane Hansens håndsrækning

Aamma atuaruk Havneblokade i Nuuk vil være i strid med loven

Aamma atuaruk Aalisartut umiarsualivinnik assersuiniarlutik sioorasaaripput