Assi: KNR

Aalisartut assersuisut akiliisussanngorput

Eqqartuussisoqarfik Nuummi aalajangigaq Kalaallit Nunaata Eqqartuussisuuneqarfiata atuutiinnassasoq ullup qeqqata missaani aalajangiummagu taama nipeqarpoq, tassalu aalisartut arfinillit 2.500 koruunik akiliissapput.

Aalisartut arfinillit ingerlatsinermi akorngusersuisutut Eqqartuussisoqarfik Nuummi siorna eqqartuunneqarput, 2009-mi Nuummi umiarsualivik ulluni arlalinni assersoramikku.

Aalisartut KNAPK-mut ilaasortaasut aalisakkanut qalerualinnullu akit minnerpaaffeqarnissaannik piumasaqarnerat assersuinermut pissutaavoq.

Aalisartut isumaqarput, assersuutigalugu saarulliit akii apparpata, nunatta karsia matussutissanik aningaasaliisariaqartoq. Taamanikkulli aalisarnermut naalakkersuisuusup Ane Hansenip piumasaqaat tamanna akuererusunngimmagu aalisartut  umiarsualivik juulimi 2009-mi ulluni marlunni assersorpaat.

Aamma atuaruk Aalisartut eqqartuussivimmut suliassanngortitseqqiinerat ullumi aallartissaaq

Aamma atuaruk Umiarsualivimmik assersuineq Nunatta Eqqartuussisuuneqarfiani suliarineqassaaq

Aamma atuaruk Aalisartut umiarsualivimmik assersuipput

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat