Aalisartunut pisassiissutit 1.500 tonsinik ilaneqarput
Aalisarnermut, piniarnermut nunalerinermullu naalakkersuisoqarfiup nalunaarutigaa, Paggivittap kangerliumarngani qaleralittassat siornamut naleqqiullugit 1.500 tonsinik ilaneqartut.
Allattoq Niels Krogh Søndergaard, Simon Uldum
Sinerissap avataani qaleralittassat ukiormanna 8.000 tonsiupput. Pinngortitaleriffiullu siunnersuinerani pisassiissutit 2013-imkut naleqqiullugit 1.500 tonsinik qaffaavigineqarsimallutik.
Pisassiissutit qaffaassutaasut pinngitsooratik tulaanneqarnissaat piumasaaqaataavoq. Qalerallit pisarineqartut tamaasa Nunatsinni suliareqqitassanngorlugit tulaannartassapput.
Qaleralittassat 1.500 tonsit qinnuteqaatigineqarsinnaaneri ataasinngornermut januaarip 28-ianut killeqarpoq.