Aalisartuaqqat assigiinngisinneqarput
Aalisartut piniartullu umiatsiaararsortut, ESU aqqutigalugu umiatsiaararsiniartarneranni aningaasatigut taperneqartarput, umiatsiaararsortunulli Aasianniit Upernaviup tungaanut najugalinnut tapiisarneq atuutinngilaq. Assigiinngisitsineq allanngortinneqartariaqartoq, Inuit Ataqatigiinneersoq Ane Hansen isumaqarpoq.
- Aalisarnermut piniarnermut nunalerinermullu tapiissuteqartarnermi inatsit, tassa peqqussut, 2001-mi allanngortinneqarpoq, tassani Aasianniit Upernaviup tungaanut najugallit taperneqarsinnaanermut mattunneqarsimapput, tamannalu eqqumiiginarpoq, taamatullu assigiinngisitsineq allanngortinneqartariaqarsoraarput, tassami ESU-miit tapisisinnaanngitsut aalisariutiminnik nutarterisinnaanerat killeqalersimammat.
Ane Hansen Inuit ataqatigiinneersoq oqarpoq.
Aalisarnermut Piniarnermullu Naalakkersuisoq Finn Karlsen, tamanna pillugu oqaaseqartinniaraluaratsigu Radioaviisip aallartinnginnerani iluatsissinnaasimanngilarput.
