Aalisartuaqqat aalisagaarsinnaajunnaaratar-sinnaapput
Aalisartunut EU-p nioqqutissiornermut malittarisassai sakkortuut eqqunneqassappata, nunatsinnut 400 mio.kr.-nik naleqassaaq.
Akiligassaq takkuteriaannaavoq aalisarnermut isumaqatigiissutip maanna atuuttup taartissaata isumaqatigiinniutigineqalerpat. Aalisarnermut Naalakkersuisoq Rasmus Frederiksen Sermitsiamut ullumi taama oqarpoq.
EU-p piumasaqataani nutaani piumasarineqarpoq neqinik aalisakkanillu nioqqutissiornermi malittarisassat umiatsiaararsortunuttaaq tunngatinneqassasut.
EU-mik isumaqatigiinniarnerit Ilulissani maajip 6-anniit 10-ata tungaanut ingerlanneqassapput. Illuatungeriinnit siunniunneqarpoq isumaqatigiissutissami aalisagaannaat pineqassanngitsut.
- Isumaqatigiissuteqarniarsaraagut aamma suleqatigiinnissamik imalimmik, ilaatigut takornariaqarnermik inuussutissarsiutillu ineriartortinneqarnerannik imaqartumik, Rasmus Frederiksen Sermitsiamut oqarpoq.
