Angutip umiatsiaaraa qassusersorluni aalisariarfissarinerarsimasaata eqqaani inuttaqarani tissukartoq, politiit sisamanngornermi ualikkut nalunaaqutaq sisamat missaanni kalerinneqarput.Assi: Augusta Jerimiassen/KNR

Aalisartoq ajunaarsimasoq nassaarineqartoq

Angut aalisartoq Kapisilimmiu sisamanngornermi tammaaneqarluni nalunaarutigineqartoq ajunaarsimasoq tallimanngornermi ualikkut nassaarineqarpoq.

Aalisartoq Kapisillit eqqaanni sikukkut sisamanngormat nakkarluni ajunaarsimasoq nassaarineqarpoq.

Kalaallit Nunaata politiivisa pigaartuata, Mads Lyngep, tamanna uppernarsarpaa.

Ajunaartup timaa Kapisilimmioqataanit tallimanngormat qaqinneqarsimavoq.

Angutip umiatsiaaraa qassusersorluni aalisariarfissarinerarsimasaata eqqaani inuttaqarani tissukartoq, politiit sisamanngornermi ualikkut nalunaaqutaq sisamat missaanni kalerinneqarput.

AAMMA ATUARUK Aakkarneq umiatsiaararlu inuttaqanngitsoq: Aalisartup Nuup eqqaani ajunaarsimanissaa aarlerigineqartoq

Aalisarfigisimasaani siku aakkarsimammat Kapisilimmioqataata politiillu angutip taassuma kangerlummi sikumukarsimanissaa sikukkullu nakkarsimanissaa aarleqqutigaat.

Taamaattumik umiarsuaq alapernaarsuut, Lauge Koch, aqqartartorlu qatserisartoqarfimmeersoq tallimanngormat ulloqeqqata missaani Kapisilinnukarput. Aalisartulli timaa qaqinneqareersorlu apuussimapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat