Aalisarsinnaanermut akuersissutinik nakkutilliisoqarfik nutaanik angallatitaassasoq

Kalaallit Nunaanni Aalisarsinnaanermut Akuersissutinik Nakkutilliisoqarfik, KANUAANA, maanna angallatigisaminit sukkanerusunik angallatitaassaaq. Tamanna aalisarnermut piniarnermullu naalakkersuisup, Aqqaluaq B. Egedep, sulisitsisuminut, Inatsisartut aningaasaqarnermut akileraartarnermullu ataatsimiititaliaannut qinnutigaa.

Angallatit Poca 770-it pingasut Ilulissani, Sisimiuni Nuummilu inissisimasuussapput. 

Umiatsiat Pocamik meqqillit nunatsinni umiatsiaararsorlutik aalisartunit atugaasupilussuupput. Tassalu akuersissutinik nakkutilliisoqarfik maanna aalisartut angallataasa meqqeqataanit angallateqartussanngorpoq.

Ataatsimiititaliammi qinnuteqaat taperserpaa:

- Ilulissani Sisimiuni Nuummilu Poca 770-it sakkortuunik motorilerlugit aamma nakkutigisat motoorii sakkukilliartornatik arriilliartunngimmata taakkununnga naleqqussaalluni aaqqiisimanera, naammagisimaarlutigu nersualaarparput, aningaasaqarnermut akileraartarnermullu ataatsimiititaliap siulittaasua, Jens Napãtôk oqarpoq.

Nakkutilliisoqarfiulli angallatissani nutaat pisiaritinnagit maanna angallataatigisani tuniniaqqaassavai. Taakkualu qanoq akilerlugit tuniniarneqassanersut, aalisarnermut naalakkersuisoqarfiup suli aalajanginngilaa.

Angallatit pisoqaasut

KANUAANA-p angallatatai tuniniagassat tassaapput Viksundimik meqqillit sisamat, ukiunik 20-nik pisoqaassusillit, Awi-millu meqqilik, 11 meteritut takissusilik ataaseq.

- Uku pioreersut aningaasartuutigisarnerat nunatsinnullu naleqqunnerat tamaasa nalilersorneqarsimammata naammagisimaartorujussuuarput. Taamaammat inassutigineqartut taakkua toqqammavilersuutai taperserlutigit akuerineqarnikuupput, Jens Napãtôk oqarpoq.

Angallatit ukiualuit matuma siornali taarserneqarnissaat kissaataalerpoq. KANUAANA-p angallatit ingerlannerinut aserfallatsaalinerinullu ukiumut millionit arfineq pingasut missaat atortarpai, taakkuninngalu amerlanerpaat Viksundinut sisamaasunut aningaasartuutaasarliutik.

- Tassa ukiumut naluneqanngitsutut iluarsartaraluarlugit aseroqqittaannarput, aserfallatsaalinerat aningaasarparujussuarnik aningaasaqartinniarlugit ingerlaniarsarigaluarput tamannaqqissaaq toqqammavilersuutigineqarpoq, Jens Napãtôk oqarpoq.

KANUAANA tuniniarneqalertut saniatigut Eurofisherimik meterinik arfineq-marlunnik takissusilimmik Nuumit 19-inillu pingasunik angallateqarpoq.