Aalisarnermut siunnersuisoqatigiit assagiartassat ikilisarneqallaquaat
Aalisarnermut siunnersuisoqatigiit naalakkersuisunut inassutigilersaarpaat assagiarniarnermi biologit inassutaat.
Biologit inassutigaat assagissat ukioq-manna pisassat ikileriarujussuassasut, siunnersuisoqatigiit siulittaasuat peder Munk pedersen oqarpoq.
Pinngortitaleriffimmi biologit isumaqarput assagissat kitaani pisarisassat 50 procentip tungaanut ikilisariaqartut.
Sumiiffiillu ilaanni assagiarniarneq unitsinneqassasoq.
Ikilisaasoqarnermimi assagissat amerliartuleqqinnissaannut periarfissiisoqarniassammat.
Qeqertarsuup tunuani Maniitsup Sisimiullu eqqaani assagiarniarneq annertuallaarsimavoq, taavanilu assagissat ikilisimasorineqangaatsiarput.
Nuummiilli kujammut peqassuseq innarlerneqarpiarsimanngilaq, taamaammallu assagiarniarneq allanngortinneqassanngilaq.
Naalakkersuisulli sapaatip akunneri marluk qaangiuppata pisassiinissaq aatsaat aallajangiutissavaat.