Aalisarnermut piniarnermullu ilinniarfissap Maniitsumiinnissaa kissaatigigaa

Aalisarnermut piniarnermullu ilinniarfissap Uummannami inissisimasussap, Maniitsumi inissisimanissaa Demokraatit inatsisartuni ilaasortaatitaata, Jens B. Frederiksenip, Naalakkersuisunut siunnersuutigaa.
Allattoq Louise M. Kleemann
apriilip 30-at 2008 11:02

Ilinniarfissaq pillugu suleqatigiissitamik pilersitsisoqarpoq, suleqatigiissitallu ilinniarfiup Maniitsumi inissisimanissaa siunnersuutigaat, ilaatigut ATI-imi atuarfimmik atassuteqartumik ilinniarfiliortoqarsinnaanera eqqarsaatigineqarluni.

Jens B. Frederiksenip siunnersuutaanut Inussutissarsiornermut Suliffeqarnermut Inuussutissarsiutinullu ilinniartitaanermi Naalakkersuisup Siverth K Heilmann-ip, akisssuteqarnernermini aalajangiusimavaa, Aalisarnermut Piniarnermullu Ilinniarfissap Uummannami inissisisimanissaa.

Ilinniarfissap sanaartoqarnissaanut 8,5 millioner koruunit aningaasanut inatsimmi ukiormannna atorneqartussatut immikkoortinneqareersimasut, Inussutissarsiornermut Suliffeqarnermut Inuussutissarsiutinullu Ilinniartitaanermi Naalakkersuisoq Siverth K Heilmann akisssuteqarnernermini allappoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq