Aalisarnermut naalakkersuisunngortussatut piukkunnarsinnaasut

Aalisarnermut Piniarnermullu naalakkersuisuusimasup Rasmus Frederiksenip naalakkersuisutut tunuarnerata kingorna naalakkersuisunut siulittaasoq piffissami qaninnermi naalakkersuisuni ilaasortassanik marlunnik toqqaasariaqassaaq.

Inuit toqqarneqarsinnaasut arlallit Radioaviisimiit oqaloqatigaavut.

KNAPK-p siulittaasorisimasaa, Leif Fontain, aalisarnermut piniarnermullu naalakkersuisutut toqqarneqarsinnaavoq. Taamaattoqassappalli Leif Fontain itigartitsissalluni Radioaviisimut oqarpoq.

Royal Greenlandimi siulittaasoq Paaviaaraq Heilmann aamma taama nalunaaruteqarpoq.

- Naamerluinnaq. Naalakkersuinermik suliaqarunnaareerpunga. Taamatut neqeroorfigineqaruma itigartitsissaanga, Paaviaaraq Heilmann oqarpoq.

Inatsisartunut ilaasortaq Per Rosing Petersen, aamma aalisarnermut piniarnermullu naalakkersuisunngorusunnerluni aperineqaruni itigartitsiniarluni oqarpoq.

Attaveqaateqarnermulli naalakkersuisunngorusunnerluni aperineqassagaluaruni Per Rosing Petersen allatut akiniarpoq.

- Taama aperineqassagaluaruma eqqarsaatigeqqissaassavara, Per Rosing Petersen oqarpoq.

Siumukkormiut inuusuttaat Doris Jakobsen periarfissanut aamma ilaavoq.

Naalakkersuisuni ilaasortaanissaminik neqeroorfigineqassaguni eqqarsaatigiumavaa.

Naalakkersuisuni ilaasortat marluk toqqarneqarnissaat kisimi eqqartorneqartariaqanngitsoq Doris Jakobsen isumaqarpoq.

- Naalakkersuisut tamarmik nikisinneqartariaqarnissaat pisariaqannguatsiarpoq, Doris Jakobsen Radioaviisimut oqarpoq.

Naalakkersuisut siulittaasuat Hans Enoksen naalakkersuisuni ilaasortassanik toqqaasussaavoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat