Aalisarnermut Naalakkersuisoq pinngitsoorani iliuuseqartariaqarpoq
Aalisarnermut naalakkersuisup Qanoruumi ippassaq unnukkut apersorneqarluni, Inatsisartut aappaagu upernaakkut aatsaat aaqqiissuteqartoqarsinnaaneranik oqaaseqarnera, Karl-Kristian Krusep akuerimanngilaa piaarnerpaamillu iliuuseqarnissaa piumasaralugu.
- Naalakkersuisup itumaata qeqqaniipput aalangersinnaasai, pisassiissutit qaffanneqarnerat, akuersissutinik matoqqatitsinerup ammarneqarnissaat kisalu kvartaalikkaarlugit aalisartitsinerup atorunnaarsinneqarnissaa. Taakku qulequttat taasakka aalisartunut ilaqutaannullu annertuumik pingaaruteqarput pinngittoorneqarsinnaanatillu.
Aalisarnermut naalakkersuisoq, Karl Lyberth, Qanoruumi ippassaq oqarpoq ajornartorsiutit Inatsisartut aappaagu upernaakkut ataatsimiinneranni aatsaat aaqqiissuteqarfigineqarsinnaasut, aalisarneq pillugu inatsisip allanngortinnissaanut tassani periarfissaqassammat.
- Inatsisimmi ajornartorsiutaasut aqqutissat eqqortut atorlugit iluarsineqartariaqarput iluarsineqassallutillu. Matumanilu Inatsisartut kisimik inatsimmik allanngortitsisinnaapput, Karl Lyberth Qanoruumi apersorneqarluni taama oqarpoq.
Karl-Kristian Kruselli tamanna utaqqiumanngilaa. Ajornartorsiut ilungersunarluinnartutut isigaa maannakkullu aaqqiissuteqarfigineqarnissaa piumasaralugu.
- Iliuuseqanngikkutta inuiaqatitsinnut pinginnaatitaaffiiaanerput annertuallaarpoq akuerineqarsinnaanngittoq, pingaartumik ukiat ukiullu peqqarniittaqisut peqqinnginnaranni aasaanarani ileqqaanialaarnissamut piffissanngoruttortoq iliuuseqarumannginneq akuerinngilluinnarpara.
Aamma aalisartuusimasut akuersissummik tuniumaneqannginneri sukkanerpaamik aaqqinneqarsinnaapput aalisartut peqatingiiffii sumiiffiini tusarnialaariarlungit aaqqipallanneqarsinnaallutik akuersissummik tunineqarnissaat, kiisalu inuusuttunnguit utaqqilussinnartitaasut akuersissummik tunineqarumanatik taakku ilanngullungit piaarnerpaamik aaqqiivingisariaqarpai aalisarnermut naalakkersuisup.
Taamatut aaqqiisoqarasuarnissaanik pinginnaatitaaffimmik tingummiartoqnunatsinni ataasiinnaammat pinngittoorani iliuuseqartariaqarpoq tassalu, Aalisarnermut, Piniarnermut Nunalerinermullu naalakkersuisoq.
Aalisarnermut naalakkersisup paasissutissiissutigaa, Aalisarneq pillugu Siunnersuisooqatigiit aalisarneq pillugu inatsisip nutaap kingunerisaanik ajornartorsiutit pilersisimasut pillugit ataatsimeeqqammersut.
