Aalisarnermut naalakkersuisoq ilisimasaqarpallaanngitsoq

Piniarnermut aalisarnermullu naalakkersuisup Finn Karlsen-ip sinerissatsinni nakkutilliinermik ilisimasaqarpallaanngitsoq, Kangilinnguani Grønlands Kommando-mi pisortaasoq Alex Jensen isumaqarpoq.

Finn Karlsen-ip qaammataasat iluaqutigalugit nakkutilliineraanera ima oqaaseqarfigaa:

-Finn Karlsen paatsuugaqarsimassaaq. Aalisarnermimi nakkutillinerni qaammataasat atorneqarneq ajorput.

Kangilinnguani nakkutilliinermi oqartussaasup Alex Jensen-ip, Finn Karlsen-ip sakkutuut Narsarsuarmut, Narsarsuarmiillu nakkutilliissutinik angallanneqarnerini aalisarnernik qaammataasakkut nakkutilliisarneraanera qisuariarfigineqarpoq. Kangilinnguaniillu tamaattoqannginneraapput. Pisoq oqallisaalerpoq siorna Air Greenland-ip timmisartuussisarnini taamaatimmagu.

Nakkutilliinerni nunatta sineriaani aalisariutit ikiffigalugit misissuiffigineqartarput.

Siornalu 138-eriarluni misissuisoqarpoq, aqqanillillu 1,2 mio. kronit nalinginik akiliisitaapput.

-Aalisarnermi nakkkutilliinerni qaammataasat aalisariutinut ikillutik pisanik, allattukkanik qalunillu misissuisinnaanngillat.

Kangilinnguani nakkutilliisut pisortaat Alex Jensen taama nassuiaavoq. Danskit illersornissamut ministereqarfia, Naalakkersuisullu Kangilinnguanut timmisartuussisarneq pillugu qanittumi oqaloqatigiissapput.