Nunatsinni aalisarnerup tungaatigut ingerlatseqatigiiffik nutaaq pilersinneqarpoq, taaguuteqartoq Nukik Seafood A/S.
KNI Pilersuisup piginneqatigiiffiutaata Arctic Green Food A/S-ip aamma Polar Seafood Greenland A/S-ip-ip suleqatigiillutik ingerlatseqatigiiffik pilersippaat.
Saattuanik aalisakkanillu Qeqertarsuarmi tunisassiulernissaq Nukik Seafood aqqutigalugu aallartisarneqassaaq, aappaagulu apriilip aallaqaataani aallartinnissaa naatsorsuutigineqarpoq.
Tamakku saniatigut Kalaallit Nunaanni sinerissami sumiiffinni assigiinngitsuni nunami suliffissuit tungaasigut aalisarnikkut suleqatigiinnissaq isumaqatigiissutigineqarpoq.
Umiarsuarmik tunitsivimmik aamma aalisakkanik assigiinngitsunik aalisakkanut tunisassiorfiusinnaasunik, aalisartut piniartullu najukkami tunitsivigisinnaasaannik ilaatigut nammineq aalisartussamik umiarsualiinissaq siunertaavoq, soorlu Illoqqortoormiuni, Tasiilami Kujataanilu.
Savissivimmi aalisarneq ukiuunerani ingerlaannarsinnaaqqullugu qerititsivimmik annerusumik aamma pilersitsisoqassaaq.
Nukik Seafood A/S-imi pisortanngorpoq Petrus H. Biilmann.