Aalisarnermut inatsisissatut siunnersuut allannguuteqarani inatsisartunut saqqummiunneqassaaq

Aalisarnermut inatsisissatut siunnersuut susassaqartunit isornartorsiorneqarluni kinguarteqquneqaraluartoq Aalisarnermut Naalakkersuisup Finn Karlsenip aalajangiusimavaa inatsisartunut saqqummiussinissi. Finn Karlsen ima oqarpoq:

- Inatsisartuni saqqummiunneqassaaq, inatsisartullu partiivi qanoq oqaaseqassanersut apeqqutaasussaassaaq. Kikkulluunniit isummaminnik anitsisinnaatitaapput, taamaattumik tamanna aamma ataqqissavarput. Ilaasa ajorivaat ilaasalu iluaralugu, Finn Karlsen oqarpoq, nangipporlu:

- Aalisartut sineriassortut inatsisissatut siunnersuut iluarisimaartorujussuugaat ilisimavaara, kisianni kattuffiup allarluinnartut nalilerpaa. Ukiunut tallimanut pisassiisalernissarput siunnerfiginngilarput. Tamanna paatsuuineruvoq. Inatsimmik taamaattumik sananngilagut. Ukiunik tallimanik siumoorluta atorunnaarsitsinissamik ilimasaarisinnaanissamik siunnersuuteqarpugut, Aalisarnermut piniarnermullu naalakkersuisoq Finn Karlsen oqarpoq.

Aalisarnermut inatsisissatut siunnersuut sisamanngornermi septembarip ulluisa 27-anni inatsisartuni sammineqartussaavoq.