Aalisarnermut ataatsimiititaliaq aalisarnermullu naalakkersuisoq ammasumik aporaateqqilerput

Aalisarnermut naalakkersuisoq Inatsisartunili aalisarnermut ataatsimiititaliaat aporaateqqipput.

- Tassani pisariaqalersimavoq MSC-p annaaneqarsinnaaneranik mianersoqqussuteqartariaqarneq,

aalisarnermut ataatsimiititaliami siulittaasoq, Henrik Fleischer (S) oqarpoq.

Ataatsimiititaliap isornartorsiutaa naalakkersuisumut, Jens Immanuelsenimut (S), tunngavoq.

Jens Immanuelsenilu erngiinnaartumik ilumuunnginneraalluni akivoq.

Naalakkersuisullu ataatsimoorlutik pisassiissutinik qaffaasimallutik, kisimiinnani.

Jens Immanuelsenip taamatut akissuteqaraluarmat aalisarnermut ataatsimiititaliaq nipanginngilaq.

- Maluginiarparput Naalakkersuisut tamarmiullutik aalajangigarisimagaat. Tassalu taanna uagut ataatsimiititaliamit mianersoqqussutigisimavarput, taamatullu qaffaaqqinnermut isumaqataanata, Henrik Fleischer oqarpoq.

AAMMA ATUARUK Ataatsimiititaliamit isornartorsiuineq Immanuelsenimit ilumuunnginnerarneqarpoq

Aalisarneq pillugu ataatsimiititaaliaq aalisanermut naalakkersuisumut aatsaat isornartorsiuilinngilaq.

Ataatsimiitialiap Jens Immanuelsen atuuffianiit tunuaqqoreernikuuaa.

Nalakkersuisoq aalisaneq pillugu inatsisissamik sulinermi ataatsimiitialiap taamani matoqqavallaarnerarpaalugu.

Naalakkersuisorli taamaannginnerarpoq

ataatsimiititaliap siulittaasuata tunuaqqusinini tamatuma kingorna tunuartippaa.

AAMMA ATUARUK Aalisarnermut ataatsimiititaliap siulittaasua: Naalakkersuisumut tatiginnikunnaarpugut

Suliamilu uani nutaami siorna pisassiissutit sinnerisa 204 tonsiusut ukioq mannamut nuuneqarneri pineqarpoq.

Ukioq manna nipisattassatut biologinit innersuussutigineqartut 1.159-iupput.

Ilassuteqartoqarneranilu pisassat 1.363 tonsiulerput.

AAMMA ATUARUK Nipisat MSC-mik meqqeqalerput

Pisassiissutinik qaffaaneq MSC-p akuersissuteqarnissamut nalilersuinermi kisiat isigineqarneq ajortoq, Jens Immanuelsen erseqqissaavoq.

Taamaammat nipisanniarnermi MSC-p annaaneqarnissaa, taassuma naatsorsuutiginngilaa.

- Taamaattumik uani siorna qaqinngitsuukkat ukiormannamut ilassutigineqarnissaat tunngavigalugu pisarineqarmata. Taanna tunngavigalugu MSC-mik annaasaqarsinnaaneq naatsorsuutiginngilara.

AAMMA ATUARUK MSC-certificering vigtig for fiskeriet

Jens Immanuelsen oqarpoq. Taassuma MSC-p mærkiliisarnera pingaaruteqartuusoq erseqqissarpaa:

- Taamaattumik una mianersortariaqarnitsinnut uparuaaneq pissusissamisoorpoq. Taannalu Naalakkersuisunit nalilersuinermi ilaatinneqarsimavoq.

Akuersissuteqaqqinnissamut suliaq ingerlasoq, MSC-p Atlantikup avannaani suliami pisortaa, Gísli Gíslasonip KNR-imut paasissutissiissutigaa.

Akuersissuteqaqqinnissamut inassut ulluni qaninnerni saqqummiunneqassasoq, taanna oqarpoq.