Aalisarnermik nassuiaat perulluliuutaavoq

Inatsisartut ippassaq ataatsimiinneranni Aalisarneq pillugu nassuiaammi Naalakkersuisut eqqunngitsumik paasissutissiinerarlugit, illuatungiliuttut, Atassut Demokraatit Kattusseqatigiillu Naalakkersuisunut tatiginnikkunnaarlutik nalunaaruteqarput. piumasarineqarpoq tatiginnikkunnaarneq allakkatigut matoqqasumik taasissutigineqassasoq, tamannali naalakkersuisooqatigiinnit ammasumik taasisitsissutigitinneqarmat pinngitsoorpoq.

- Naalakkersuisut nassuiaatigivaat suani kukkusoqarsimanersoq. Misissorneranili takusinnaavarput saqqummiussami siullermi qallunaatuaanit nutsersimasaq massakkut allangortilluinarneqarsimasoq. Iliorneq allatut takusinnaanngilarput paatsiveerussaalluni saqqummiusseriartoqararaluarsimasutut, Augusta Salling Atassutip siulittaasua oqarpoq.

Demokraatit aamma tatiginnikkunnaartut siulittaasuat Per Berthelsen oqarpoq kukkunerup toqqortuiniarluni kukkunerunera malunnarluinnaraluartoq oqaluuserisassaq kinguartinneqartoq.

- Tatiginninnginnermik takutitsineq taamaalilluni ipitinneqarpoq. Allannguinerit uppernaatitallit ajuusaarutigineqannarsinnaanngilat, Inatsisinik unioqqutsitsinerupput. Tamakkua kinguneqartinneqanngippata nunatsinni naalakkersuinikkut aqutsineq sumilluunnit tatiginartutut taaneqarsinnaajunnaalerpoq, Per Berthelsen oqarpoq.

Naalakkersuisut siulittaasuat Hans Enoksen oqarpoq Inatsisartuni ippassaq pisoq pututitsiniarnermik tunngaveqanngitsoq.

-Unioqqutitsinertut nalilersorneqassappat assut ajuusaarnarpoq, Naalakkersuisummi minnerpaamilluunnit siunertarinngilluinnarpaat unioqqutitsillutik sullissinissartik. Ajornartorsiut oqaatsinik nutserinermiittoq Hans Enoksen oqarpoq, oqaatigaalu kukkunerit taama ittut Inatsisartuni sulinerup sukateriffigineqarneranit peqquteqartut.

- Sukaterinerup kinguneraa atorfilittat Inatsisartunilu ilaasortat unnuarsuarmut sulinerusalernerat, sulinerullu taamaattup soorunami kukkuluttornissaq qanillisarpaa.

Hans Enoksen oqarpoq Inatsisartut suleriaasiata siunissami pitsanngorsarneqarnissaa taamaattumik pisariaqassasoq.

Royal Greenlandip namminersortunngorsarneqarnissaani suleriusissanik assortuuttunik Naalakkersuisut saqqummiussinerarlugit, tamannalu pillugu Naalakkersuisooqatigiinnut tatiginnikkunnaartunut Kattusseqatigiit aamma ippassaq ilaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat