Peder Munk Pedersen nersornaammik sølviusumik arfininngormat nersornaaserneqartoq ukioq ataaseq nappaassuarmut kræftemut akiuutereerluni eqqissivoq.Assi: Inatsisartut

Aalisarnermi sunniuteqarluarsimasoq toqukkut qimaguttoq

Nunatsinni aalisarnermi sunniuteqarluarsimasut ilaat Peder Munk Pedersen 71-inik ukioqarluni marlunngornerup unnuaani toqukkut qimaguppoq. Sermitsiaq.AG allaaserisaqarpoq.

Atorfilittaasimasoq, aaqqissuisuusimasoq oqallissaarisartuusimasorlu Peder Munk Pedersen arfininngormat Nersornaammik sølviusumik tunineqartoq marlunngornerup unnuaani toqukkut qimaguppoq.

Peder Munk Pedersen nersornaammik sølviusumik arfininngormat nersornaaserneqartoq ukioq ataaseq nappaassuarmut kræftemut akiuutereerluni eqqissivoq.

Sermitsiaq.AG taama allaaserisaqarpoq. 

Peder Munk Pedersen nunatsinniinnermini aviisimi AG-mi tusagassiortutut ukiuni arlalinni sulisinnarluni kingorna Sermitsiami aaqqissuisunngorput 1982-imilu aaqqissuisutut atorfeqarunnaarluni.

Nunatsinni aalisarnermi sunniuteqarnerpaat ilaat, Peder Munk Pedersen kilisaataatileqatigiit peqatigiiffianni pisortaasimavoq, Aalisarnermi Aqutsisoqarfimmi pisortatut atuuffeqarsimalluni ilaatigut aamma Pingortitaleriffimmi siulersuisunut ilaasortaasarsimalluni.

Sermitsiaq.AG. allaaserisaqarpoq. 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat