Aalisarneq siuariartorpoq
Raajat, qalerallit saarulliillu tunisat siorna piffissap taamaalineranut tunisanut naleqqiullugit amerleriarsimasut Naatsorsueqqissaartarfiup kisitsisaataasa takutippaat. Pingaartumik qaleralillinniarnermi kinguariartortoqartoq takuneqarsinnaavoq, aalisarnerulli ukioq manna siuariaateqarnissaa ilimanaateqarsinnaavoq.
Raajammi, saarulliit qalerallillu januaarimi februaarimilu tunisat, siorna taamaalineranut naleqqiullugu amerleriaateqarsimapput.
Qalerallit 3100 tonsit siorna qaammatini siullerni marlunni tulaanneqarput. Ukioq manna katillugit 4400 tonsit tulaanneqarsimallutik, tassa tulaanneqartut 1300 tonsinik amerleriarsimallutik.
Raajat ukioq manna januaarimi februaarimilu tulaanneqartut siornamut naleqqiullugit aamma amerleriarput, qaammatini siullerni ukioq manna tulaanneqartut 1300 tonsinik amerleriarlutik. Saarullinniarneq aamma siuariartorpoq, siornamummi piffissap taamaalineranut naleqqiullugu 300 tonsinik amerleriarsimammata.