Aalisarneq pillugu siammasissumik isumaqatigiissuteqartoqarnissaanut IA kajumissaarivoq
Avataasiortut sineriassiortullu pisassanik noqqoruuttuusinerat unitsinneqartariaqarpoq. Inuit Ataqatigiinnit tallimat taama allapput.
- Naalakkersuisut aaqqissugaannik aalisarneq pillugu isumasioqatigiinnermut peqataanitsinni nuannaarutigaarput. aalisartut susassaqartullu allat taama amerlatigisut isumasioqatigiinnermut peqataammata.
Aalisarnermi pissutsit isumatusaartumik tungavilersorluakkamillu politikkikkut suliaqarfiginissaa Inuit Ataqatigiinnit pingaartittuarparput, avataasiortut sineriassiortullu pisassanik noqqoruuttuusinerat unitsinneqartariaqarpoq. Tamarmik inissaqarput atorfissaqartinneqarlutillu, partiimit allapput.
Politikkikkut siammasissumik isumaqatigiissusiorneq aalisarnerup inuussutissarrsiutitut, aalisarnermilu sulialinnut tamanut, toqqissisimanartumik ineriartortitsisinnaanissamik pilersitsissaaq.
- Aalisarnermut poliikki katersuuffigisariaqarpoq, politikkikkullu suliaqartugut tamattaalluta akisussaaqataavugut, Ane Hansen, Sara Olsvig Naaja Nathanielsen, Juliane Henningsen Hans Aronsenilu tusagassiuutinut ataatsimoorlutik allapput.
- Partiitut illuatungiliuttutut erseqqissaatigerusupparput, oqaloqatiginninnissamut isumaqatigiissusiornissamullu piarersimagatta, Naalakkersuisunillu qaaqquneqarnissarput qilanaarigipput.