Aalisarneq pillugu Ruslandi isumaqatigiissuteqarfigineqarpoq
Kalaallit Nunaata Ruslandillu akornanni 2010-mut aalisarnermut decembarip sisamaani isumaqatigiissuteqarput. Taamaalilluni Kalaallit Nunaata Ruslandillu akornanni aalisarnermut isumaqatigiissut 1992-imeersoq isumaqatigiissummi tunngavigineqartoq, Aalisarnermut naalakkersuisoqarfik allappoq.
Allattoq Bikki P. Kleist
decembarip 07-at 2009 12:45
Aalisarnikkut 2010-mi attassuteqarnissaq pillugu Kalaallit Nunaata Ruslandillu akornanni Københavnimi isumaqatiginniartoqarpoq.
Kalaallit Ruslandip imartaani russillu Kalaallit Nunaata imartaani 2010-mi aalisarsinnaanerat iusmaqatigiissutigineqarpoq.
Inuussutissarsiortunit aallartitat, Naalakkersuisoqarfiimmeersut kiisalu Aalisarneq pillugu aqutsisoqarfimmeersut naliliipput isumaqatigiissut Kalaallit Nunaannut Ruslandimullu naleqaqisoq, 2010-milu pisassiissutit naammagisimaarnartuusut.
Ruslandimik isumaqatigiissuteqarnikkut angusarineqartut kingusinnerusukkut naalakkersuisunut inaarutaasumik akuerisassanngorlugit saqqummiunneqassapput.
