Aalisarneq pillugu nassuiaat kukkuneqarmat kinguartinneqarpoq

Royal Greenlandimut tunngasut Inatsisartuni ippassaq oqallisineqanngitsoorput, aalisarnermut tunngasut oqallisigineqarnissaat kingusinnerusukkut pisussanngormata. Aalisarnerup aaqqissuussaaneranik naalakkersuisut politikkiat pillugu nassuiaatip kukkuneqarnera tamtumunnga pissutaavoq.

Inatsisartut siuttaasuat Jonathan Motzfeldt ima oqarpoq:

- Taava tikipparput immikkoortoq 51. Taanna pitinnagu oqaatigissavara aatsaaginnannguaq ataatsimiinneq aallartereersoq imaattumik nalunaarummik pisimagatta. Aalisarnerup aaqqissuussaaneranik naalakkersuisut politikkiat pilllugu nassuiaatit kalaallisuuani annertoorujussuarmik kukkuneqartoq malugineqaqqammerpoq. Nassuiaat naqinneqarpat tamakkiisumik kingunnerusukkut immikkoortoq 51 suliarineqassaasoq siunnersuutigineqassaaq, inatsisartut siulittaasuat Jonathan Motzfeldt taama aallarneereersorlu naalakkersuisunut uparuartuutit imaaginnavilerput:

Per Berthelsen, Demokraatit:

- Siullermik paaserusuppara  suut-ukua taama ajortigisut maanna oqaluuserisassap qangali piareersaataalluni ingerlanneqareersup taamatut kingutiinnarlugu pinissaanut.

Finn Karlsen, Atassut:

- Nassuiaat agguaanneqarpoq septembarip 15-iani, inatsisartuni ataatsimiilernissaq aqaguttoq. Oqaaseqaatinillu suliaqareersimavugut. Sunaana kukkuneq taama angutigisimasoq?

Aalisarnermut naalakkersuisoq Simon Olsen akivoq:

-Kukkuneq kinguseqisumik paasisarput tassaavoq sulisup conputeriminut ilioraanermimi nutaartaa nutaanngitsorlu ilaatigut ataatsimoortittoorsimammagit, taannalu malugiitsoorneqarsimasoq. Tassalu taannaavoq ilungersumartorujussuusoq taannaavorlu misissueqqissaarnitsinni ullaap tungaa aatsaat ullo’qeqqarluinnaraa paasinarsisoq taannarpiarpiaq.

Simon Olsen aamma oqarpoq sunnguamilluunniit qallunaatuua kukkuneqanngitsoq. Erseqqissaatigaalu naalakkersuisoqarfik sunnguamilluunniit toqqorterinianngitsoq. Kinguartitsinissarlu naalakkersuisooqatigiit isumaqatigaat. Illuatungiliuttulli nassuiaatip 44-nik qupperneqartup atorsinnaannginnera uggoraat, oqaaseqaatissatik ilaatigut qulinik quppernillit piareereersimammatigit.

Anthon Frederiksen, Kattusseqatigiit:

-Tupinnaannartumik kanngunarpoq inatsisartuni taama suleriaaseqassagutta. Kanngunarpoq avaanngunarlunilu. Piffissaq kanngunarpoq avaanngunarlunilu. Piffissaq taama angitigisoq kalaallisut oqaasertai tunngavigalugit suliassaq tamakkiisumik sukumiisumillu misissoluareerlugu minutsit marlussuinnaat periarfissaralugit suliassap kinguartinneqarnera. Assorujorujussuaq pakatsinarpoq. Kanngusunngilasii, Anthon Frederiksen aperaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat