Aalisarneq pillugu isumasioqatigiinneq aallartippoq
Torshavnimi ullumikkut nunat avannarliit killiit aaqqissugaannik aalisarneq pillugu isumasioqatigiinneq aallartippoq. Ataatsimoorussamik Savalimmiormiut, Islandimiut Nunatsinneersullu EU pillugu tunngavissaqarnissaat isumasioqatigiinnermi siunertarineqarpoq.
Aalisarnermut Piniarnermullu naalakkersuisup Rasmus Frederiksenip ajornartorsiutit aaqqiivigerusutat oqaluttuarai:
- Agagu oqalugiaatissanni oqariartuutigerusuppara nunat avannarliit suleqatigiiffigisinnaasaat tassaasoq isumaqatigiissutip assigiinnerusumik inissinneqarnissaa, Rasmus Frederiksen oqarpoq.
Savalimmiut, Islandip Kalaallit Nunaallu EU-mut isumaqatigiissutaat sammineqassapput, assigiinnerusumillu isumaqatigiittoqarnissaa ujartorneqarpoq.
Savalimmiut, Island Nunarpulluunniit EU-mi ilaasortanngillat. Nunanilu avannarlerni killerni naalakkersuisut pingasut taakkua annilaanngatigaat EU pillugu sanngiippaallaarnissartik aalisarnermi politikkimik ataatsimoorussamik peqaratik EU-mut nutaanik aalisagartassanik isumaqatiginninialinnginnerminni.
