Aalisarneq pillugu isumaqatigiinnialerput

Kalaallit Nunaat EU-lu aalisarneq pillugu nutaamik isumaqatigiinniuteqarnialerput, Ilulissani Hotel Arcticimi ullumikkut tamanna aallartissalluni.

Nunatsinniit isumaqatigiinniartut aqutsisuata, Aalisarnermut Piniarnermullu Pisortaqarfimmeersup, Emanuel Rosingip, isumaqatigiinniarnerni suut ajornakusoornerpaassangatinnerlugit ima oqarpoq:

- Aalisagartassiissutit annertussusissaat pisassallu qanoq akeqassanersut maanna oqallisigisussanngorpavut. Inatsisilerinermut tunngasortaat, taavalu isumaqatigiissuteqarnissamut missingersuutit suli oqallisigineqartussaapput, pingaarnerpaalli tassa aalisagartassat annertussusissaat taakkulu qanoq akeqassanersut, Emanuel Rosing oqarpoq.

Taakku ukiumut 130 millioni koruuniunissaat Kalaallit Nunaannit ilimagineqarpoq.

Isumaqatigiinniarnerni apeqqutinut pingaarnernut ilaassaaq, pisassatannertussusissaat kimit aalajangerneqassanersoq. EU isumaqarpoq biologit siunnersuutaat malinneqassasoq. Kalaallit Nunaanni aalajangiisussaat tassaapput naalakkersuisut.

Isumaqatigiinniarnerit sapaatip akunnerata uuma ingerlanerani naammassissangatinneqarput.