Aalisarneq pillugu inatsisissaq kingumut misissoqqissaarneqassaaq

Aalisarneq pillugu inatsit kingumut misissoqqissaarneqassaaq. KNAPK-p, aamma Sulisitsisut Peqatigiiffiata akerleriissutaat Naalakkersuisut siullermik aaqqiiviginiassavaat. Taama pisoqareerpat inatsisissaq pillugu paasissutissat naqinneqassapput, inuiaqatigiinni oqallittoqarsinnaaniassammat.
februaarip 04-at 2010 04:12

Immikkoortut tallimat Naalakkersuisut salliutikkusutaat tassaapput:

Aalisarneq imminut akilersinnaasariaqarpoq; aalisarsinnaassuseq pisassanut naleqqutissaaq; aalisarneq sapinngisamik inuiaqatigiinnit tamanit annerpaamik aningaasarsiornikkut pissarsiffiunissaa siunertaassaaq; kiisalu aalisarnermi aningaasat kaaviiaartinneqartarnerat qulaajaavigineqassaaq.

Aalisarneq pillugu inatsisissap Inatsisartut ukiaanerani ataatsimiinneranni saqqummiunneqarnissaa suli pilersaarutaavoq, siunnersuut tusarniaavigineqartussanngorlugu 2009-mi nassiunneqartoq tassani aallaavigineqassalluni, Aalisarnermut Piniarnermullu naalakkersuisoq, Ane Hansen nalunaarpoq.

Aalisarneq pillugu ataatsimiititaliarsuup innersuussutai ingerlateqqinneqarsimannginnerarlugit Aalisarnermut Piniarnermullu naalakkersuisoq, Ane Hansen, ukiarmili isornartorsiuivoq. Ataatsimiititaliarsuaq 2007-imi pilersinneqarpoq, misissuinissaminullu ukiut marluk tassa atorsimallugit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq