Aalisarneq pillugu ataatsimiititaliarsuup siunnersuutai apeqquserpai
Naak Kattusseqatigiit Partiiata siulittaasuata Anthon Frederiksenip aalisartorpassuit isertitakinnerat nassuerutigigaluarlugu, aalisartut ikilinissaannik, aalisarneq pillugu ataatsimiititaliarsuup siunnersuutaa apeqquserpai.
Allattoq Jens Thorin
februaarip 19-at 2009 13:37
Anthon Frederiksenip tapiissutitaqanngitsumik aalisarnerup qanoq ingerlanneqarsinnaanera takorlooruminaatsippaa.
- Raajarniarneq eqqarsaatigalugu aalisariutikillisaasoqarmat, ESU, aalisartut angallatitaarniarnerminni iluarsaassinermilu aningaasanik atorniarfigisartagaat, naalakkersuinikkut nungutsikkaluttuinnarneqarpoq. Ilumullimi suliffeqarfissuaq, aalisakkanik tigooraasoq, aalisakkanik tigooraaneq isumagilluarlugulu avammut pitsaasumik niuerpat akit qaffanneqassagaluarput, Anthon Frederiksen taama oqarpoq.
Kisianni ataatsimiititaliarsuup inassutai apeqquseraluarlugit, aalisarnerup imminut akilersinnanerulernissaanut allanik siunnersuuteqartoqassappat piareersimavoq.
