- Februaarimili ataatsimiissinnaasimanngilagut, tamannalu sulinitsinnut kalluingaatsiarpoq, ataatsimiititaliarsuup siulittaasua, Jens Paulsen oqarpoq.Assi: Jens Paulsen

Aalisarneq pillugu ataatsimiititaliarsuup inassuteqaasiornera februaarimut kinguartinneqartoq

Aalisarneq pillugu ataatsimiititaliarsuup isumaliutissiissutaa corona peqqutigalugu aappaagu februaarimut kinguartinneqarpoq.

Aalisarneq pillugu ataatsimiititaliarsuup aalisarnermut inatsimmut siunnersuutissatut isumaliutissiissutissaa tunniunnissaa aappaagu februaarimut kinguartinneqarpoq. Aalisarneq pillugu ataatsimiititaliarsuarmi siulittaasoq, Jens Paulsen taama oqarpoq.

- Coronap ajornartoortitsinera peqqutigalugu sulinerput annertuumik killeqarlunilu kinguaattoorfiuvoq, taamaammat isumaliutissiissutip saqqummiunnissaa aappaagu februaarimut kinguartinneqassasoq naalakkersuisut aalajangerput. tamatumunngalu isumaliutissiissutip aappaagu ukiakkut ataatsimiinnissami suliarineqassasoq naatsorsuutigineqarnera peqqutaavoq, Jens Paulsen oqarpoq.

AAMMA ATUARUK Aalisarneq pillugu Ataatsimiititaliarsuaq Ilulissani innuttaasunik ataatsimiititsilerpoq

Naalakkersuisut Aalisarneq pillugu ataatsimiititaliarsuaq siorna februaarimi pilersippaat. Aalisarnermut inatsisissamut nutaamut taavalu assersuutigalugu aalisagartassiisarnermi, aalisarnissamut akuersissutinik tunniussisarnermut nakkutilliinermullu tunngasunik iliuusissatut pilersaarutissatut siunnersuutinik inassuteqaasiorneq tassani suliaavoq.

Ataatsimiititaliarsuaq nalunaarusiaagallartumik siorna novemberimi saqqummersitsivoq. Tassani aalisarnerup ineriartortinnerata sinaakkutissai sammineqarput. Taava inassuteqaatissani 2020-p qiteqqunnerani tunniutissagai ilimagisaagaluarpoq, tamannali coronap naallerpaa.

- Februaarimili ataatsimiissinnaasimanngilagut, tamannalu sulinitsinnut kalluingaatsiarpoq.

ataatsimiititaliarsuup siulittaasua, Jens Paulsen oqarpoq.

AAMMA ATUARUK Aalisarneq pillugu ataatsimiititaliarsuarmi ilaasortat toqqarneqartut

Aalisarneq pillugu Atatsimiititaliarsuup innersuussutissai arlaleriarlugit kinguartinneqarput.

Inassuteqaatit ukioq manna juunimi piareersimasssasut, Naalakkersuisut siorna apriilimi nalunaarput.

Naalakkersuisulli ukioq manna marsimi nalunaaqqipput, ataatsimiititaliarsuup isumaliutissiissutini ukioq manna oktoberimi tunniussinnaagaa naatsorsuutigigitsik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat