Aalisarneq pillugu Aalborgimi saqqummersitsinersuaqarpoq
Aalisarneq pillugu saqqummersitsinersuaq, aatsaat taama amerlatigisunit peqataaffigineqartoq, Aalborgimi ullumi aallartippoq.
Saqqummersitsisut nunanit tamalaanit 25-inngaaneersut 400-it missaanniipput. Kalaallit aalisartut arlalissuit kommunillu nunatsinneersut saqqummersitsinersuarmi peqataapput.
- Ukioq manna imatorsuaq isumalluanngilavut, taamatummi saqqummersitsisuni peqataalluta aatsaavissuaq misilipparput.
Taama oqarpoq Aasianni kommunalbestyrelsemut ilaasortaq, Rasmus Brandt.
- Eqqumiitsuliat kusanartuliallu saqqummersissavagut, kommunittalu takornarianut neqeroorutigisinnaasai aamma akuupput, Rasmus Brandt Aasianneersoq oqaluttuarpoq.
Aalisarneq pillugu saqqummersitsinermi, Danfish- messe-mi, Sisimiut Kommuneat Kalaallit Nunatsinniit kisiartaalluni aalisarnermut tunngasunik saqqummersitsivoq.
Naatsorsuutigineqarpoq inuit nunanit allanit 40-ineersut saqqummersitsineq takusassagaat, Aalborgimilugoq eqqaanilu hotelini inissat tamarmik ulluni tulliuttuni ulikkaaqqalluinnarput.
Aalisakkanik tunisassiorfissuup DanFiship Ålborgimi saqqummersitsinersuaq aaqqissuussaraa. Ukiut marluk matuma siorna – tassa 2003-imi – saqqummersitsisoqarmat 20.000-it missaat nunarsuatsinni tamaneersut alakkaasimapput.