Aalisarneq ingerlaqqilerpoq

Uummannap sulluani aalisartut pisassiissutit kvartalit pingajuannoortut aggustimili nunguppaat tamaanerniillu qaleralinniarneq uninngatillugu. Maanna tassa aalisariaqqissinnaanngorput.

Qaammatini tulliuttuni pingasuni pisassiissutigineqartut  ullumimiit aalisarneqarsinnaalerput. Uummannami eqqaanilu qaleralittassiissutit 1.000 tonsiupput. Aalisarnermut naalakkersuisoqarfimmit erseqqisarneqarpoq, ukiumut qaleraleralittaasiissutigineqartut 6.000 tonsiusut allanngortinneqassanngitsut.

Upernavimmi eqqaanilu qaleralittassiissutit pingasunngorpat septemberip ulluisa 28-anni tamakkerlugit aalisarneqarsimanissaat naatsorsuutigineqarpoq, tamatumalu kingorna pisassiissutigineqartut tullii ingerlaannaq aalisarneqarsinnaalissallutik aalisarneq unitseqqaanngikkaluarlugu.

Uummannami Upernavimmilu sinerissap qanittuani qaleralinniarluni aalisarnermi pisassiisanerit qaamatit pingasukkaarlugit pisarput.

Qaleralittassiissutigineqartut aalisarneqareeraangata qaleralinniarneq unitsinneqartarpoq  pisassiinerit tulliuttut aallartinneqarnissaasa tungaannut. Aalisarnermut piniarnermut nunalerinermullu naalakkersuisoqarfik taamatut nalunaaruteqarpoq.