Aalisariutit marluk Qeqertarsuup tunuani kivipput
Qaleralinniut Angu II 42 fodinik takissusilik, unnuaq nalunaaqutaq ataatsimut qiteqquttoq ajornartorsiorluni Aasiaat radioanut nalunaarpoq, sikumit kiggigussaalluni kivilersoq nalunaarutigineqarluni. Qeqertarsuarmi politiit angallat Porsild angallatigalugu, angallat ajutuulersoq ikioriartorlugu ornippaat, angallat taanna Qeqertarsuup kujammut kangisissuaniittoq. Politiit aannaassiniarlutik ullaassaq anngummata, angallat kivereersimavoq, inuttaali sikumiittut ajunngitsut Qeqertarsuarmi politiit nalunaarput.
Angallat alla Ilulissat eqqaani kivivoq. Angallammi inuttaasut angallammit allamit annaanneqarput, angallat taanna sikumit kiggigussaalluni aamma kivivoq. Ilulissani politiit qulimiguulik atorlugu ikiuiartorniarlutik piareersarsimagaluarput, angallammilu inuttaasut angallammit allamit annaanneqarmata politiit annaassiniarnertik unitsippaat, Ilulissani politiit pisortaat, Janus Eigård, Radioaviisimut nalunaarpoq.
