Aalisariutit ajorsisimasut aningaasaateqarfissaat

apriilip 07-at 2005 17:25

KNAPK-p ataatsimeersuarnermini ataatsimeersuaqataasut aalisarnermik piniarnermullu inuussutissarsiuteqarnermut aningaasaateqarfittaarnissaq aalajangiuppaat. Taamaasilluni naalakkersuisooqatigiit aningaasaateqarfiliornissamik kissataat naammassigaat oqaatigineqarsinnaavoq. Aningaasaateqarfimmullu akileeqataasartussat aamma ilagaat suliffeqarfiit immap pisuussutaanik nioqqutissiortut. Kiisalu EU-mit aningaasat pissarsiat 10 procentii, aningaasaateqarfittaasarmiuna sumut atorneqarniaq, apeqqut taanna KNAPK pisortaanut Peter S. Olsenimut apeqqutigatsigu akivoq sinerissap qanittuani aalisariutit ajorsilluinnarsimasut iluarsaannissaannut qinnuteqarfissatut piukkunneqartoq. Pisariaqartitsisoqaqimmallu aningaasaateqarfik aappaagu qinnuteqarfigineqarsinnaalissasoq.

Aningaasaleeqataasarumaartussat aningaasaateqarfittaassap suliassartai maanna suliaralugit aamma aallartippaat.