Unioqqutitsilluni aalisartarneq akiorniarlugu, nunat avannarliit aalisarnermut ministerii, Russit alisarnermut ministeria aammalu EU-mit aallartitat, Narsami ataatsimeeqqammipput.
Aalisarnermut naalakkersuisoq Finn Karlsen ataatsimeeqataasimasoq ataatsimiissimanermi angusat pillugit ima oqarpoq.
- Tassa assigiinngitsunik siorna aallarteriikkatsinnik, eqqartuiffigilluangaatsiarparut. Unioqqutitsilluni aalisartarneq pillugu ataatsimiikkatta, umiarsuarnik tikittoqartillugu usingiartoqartillugulu sapinngisamik misissueqqissaartoqartarnissaata anguaniakkat pingaarnersarivaat. Unioqqutitsilluni aalisartarneq annertuvoq, aalisarneqarsimasullu kangianut akikinaarlugit tuniniarneqartarsimallutik. Taamaasilluni qanittuani aalisartortatsinnut akitigut sunniuteqarnerluppoq.
Aalisarnermut naalakkersuisoq Finn Karlsen taama oqarpoq.