Aalisakkat pisarisuukkaat iginneqartarunnaarnissaat oqallisigaat
Nunani EU-mi ilaasortaasuni aalisartut pisarisaat suugaluartulluunniit pisarineqartutut nalunaarsorneqarnissaat siunnersuutigineqarpoq.
Nunani EU-mi ilaasortaasuni aalisartut aalisarneranni videokkut alapernaarsorneqartalernissaat siunnersuutigineqarpoq, aalisartut pisarisuukkamminnik immamut eqqaannginnersut pisortanit nakkutigineqartalissammata.
EU-mi aalisarnermut kommissærip siunnersuutaa, danskit aalisarnermut ministeriannit Henrik Høeghimit isumaqatigineqarluinnarpoq.
- Periuseq siunnersuutigineqartoq aalisartunut iluaqutaassaaq. Aalisakkat pisarisuukkat iginneqartarnerat unitsinneqarpat, tulaanneqartartut amerlinerussapput, Henrik Høegh oqarpoq.
Nordsømi aalisakkat pisarisoorneqarlutik immamut iginneqartartut ukiumut 500.000 tonsinik oqimaassuseqartut natsorsorneqarsimavoq, pisarisoorneqartuni ikittuinnaat annattarsimapput.