Aalisakkat peqqinnassusaat naqissuserneqarpoq

Sapaatip-akunneranut marloriarluni aalisagartortaraanni inuuneq sivitsorneqarsinnaasoq, ilisimatuut Danmarks Tekniske Universitetimeersut siullerpaamik uppernarsarpaat.
novembarip 11-at 2010 07:31

Allaammigooq takuneqarsinnaavoq nappaatit aalisakkat pinngitsoortissinnaagaat, nakorsaatit ilaannit allaat pitsaanerullutik. Aviisimi ullormut saqqummersartumi, Børsenimi, tamanna allaaserineqarpoq.

- Inuuneq naallugu nappaatigineqarsinnaasut paasisat nutaat aqqutigalugit pinaveersaartinneqartariaqarput, paasisimasaqarluartut aviisimi ullormut saqqummersartumi naliliipput.

Danmarkimi innuttaasut sapaatip-akunneranut marloriarlutik aalisagartortaleraluarpata inuiaqatigiit aningaasanik qanoq amerlatigisunik sipaaruteqartalissagaluarnersut ilisimatuut aamma misissorsimavaat.

Takuneqarsinnaavorlu innuttaasumut ataatsimut 4000 koruunit inuunerisa sinneranut ukiut 30-t sinnerlugit naalagaaffiup sipaartassagaluarai - katillugit 14,2 milliardit koruunit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq