Aalisakkat imarmiut mingutsitsivigineqarujussuarput

Mexicop kangerliumarngani uuliamik mingutsitsinerup kinguneranik, Louisianap, Mississippip aamma Alabamallu imartaanni aalisakkat mingutsinneqarneri, amerikami naalakkersuisut maanna avammut nalunaarutigaat.
Allattoq Apollo Jeremiassen
maajip 25-at 2010 07:05

Nunat taakku eqqorneqartut maanna naalagaaffimmit ikiorsiissutinik aningaasanik pisussanngorput, taama nalunaarpoq amerikap niuernermut ministeria Gary Locke.

- Aningaasarsiornerup ajorsinissaata ilimanaateqarnera pissutigalugu taamatut alloriartoqarpoq. Aalisartut, niuertut aammalu inuiqatigiit aalisarnermik isumalluuteqarput, Gary Locke taama oqarpoq.

- Ajunaarnersuaqarneranik avammut suaaruteqarnerup takutissavaa, naalakkersuisut piareersimasut, aalisartunut aalisakkanillu inuuniutilinnut pisariaqartitsisoqarnera aallaavigalugu ikiorsiinissaat, Locke oqarpoq.

USA tamakkerlugu aalisakkat tunineqartartut 40 procentii Louisianamit tunisaasarput aammalu inuit 27.000-t suliffissaqartillugit.

Aningaasanik qanoq amerlatigisunik ikiorsiisoqarnissaa naalakkersuisunik suli aalajangerneqanngilaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq