Aalisakkat allanartut pisarineqartalerput
Taamatut oqarpoq, Pinngortitaleriffimmi immap uumasuinik ilisimasalik marinebiolog Søren Ryesgaard illoqarfiit ukiuusartut ataatsimiinneranni oqalugiarnermini.
Kalaallit nunaata sineriaata imartaani aalisakkanik siornatigut pisarineqarneq ajortunik naammattoorsisoqartalereerpoq. Aalisagaq Europap Norge-llu sineriaata imartaani naammattoorneqartartoq havtaske allalu aalisagaq immami kiannerusumi naammattoorneqartartoq pinngortitaleriffimmut tunniuneqarput, taamaattumillu allanngoriartortoqarpoq, Søren Ryesgaard oqarpoq. Isaannarmilli takuneqarsinnaasut kisimik allannguuteqanngillat, taakkuuppummi immami uumasut nerisaqarnerannut tunngaviusut. Planktonip isaannarmik takuneqarsinnaanngitsup immami uumasunit inuussutigineqartartup ataqatigiinnerannut allannguut, nerisaqaqatigiinnut tuniluutissaaq. Saarulliit amerlissapput, kinguppaallu immami nillernerusumiittartut, imaq kissarnerulerpat avannamut illuiariartulersinnaapput, aalisakkallu kujasinnerusumiittut aalisakkanik allanik taarserneqarlutik…taannalu saarulliusinnaavoq taassumalu ilaqutaa aalilsagaq sej.
Silaannaap kiatsikkiartornera ilutigalugu Kalaallit Nunaata sineriaata imartaanut sunniutaa pillugu pinngortitaleriffiup misissuinera suli naammassineqanngikkaluartoq, kiatsikkiartornera ilutigalugu tunumi arferit inuusstissaqarniarnerminnik atugarissaarnerulersimapput, killormut nannut inuussutissaminnik nassaarniartarnerat ajornarnerulissasoq, Pinngortitaleriffimmi immami uumasut pillugit ilisimasalik marinebiolog Søren Ryesgaard oqarpoq.
