Aalisakkap orsuata peqqinnartuunera uppernarseqqinneqarpoq

Aalisakkap orsuata omega 3-mik taaguteqartup, peqqinnartuunera uppernarseqqinneqarpoq, Alaskami nagguueqatigiit Inuit missuiffigineqarneranni tamanna paasineqarluni.

Naggueqatigiit inuit Yuppit Alaskamiittut pualavallaaraluartut, sukkornermik nappaateqalertarnerat USA-p sinneranut sanilliullugu annikinneruvoq. Universtity of Alaska-Fairbanksip misissuisitsineranit tamanna erserpoq.

Naggueqatigiit inuit aalisakkanik annertuumik nerisaqarnerat tamatumunnga sunniuteqarpoq, taakkua amerikap sinneranut sanilliullutik 20-riaammik annertutigisumik aalisakkap orsuanik omega 3-mik nerisaqartaramik.

Sukkornermik nappaateqalernissaq aalisakkap orsuata pinaveersaartittarpaa. Tamannalu naammanngitsoq, misissuinermik suliaqartut oqarput.

- Misissuinermi inernerit pingaaruteqarput,  pualavallaarneq pissutigalugu nappaateqalertarnermut attuumassuteqartut pinaveersaartinneqassammata, ilisimatuut nalunaarusiaminni taamatut allagaqarput.

Misissuisitsineq Kalaallit Nunaannut attuumassuteqarsinnaavoq. Ukiut 40-t matuma siornatigut Jørn Dyerbergip kalaallinik misissuisitsineranut assersuunneqarsinnaagami.

Taamanikkut misissuisitsinermi paasiniarneqarpoq, kalaallit uummatimikkut nappaateqartarnerat sooq annikinnerunersoq, naak kalaallit mattannik neqinillu orsutaqartunik nerisaqanerat annertugaluartoq.

Alaskami naggueqatigiit inuit missuiffigineqarnerannit nalunaarusiaq, European Journal of Clinical Nutritionimi tamakkerlugu atuarneqarneqarsinnaavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat