Naalakkersuisunut ilaasortap Finn Karlsenip ajuusaarutigaa, Sisimiut avataani Ikertuup paavata avataani saattuarniaqqissinnaaqqilernermut atatillugu ilisimatuut inassutaat tusaaniarneqanngitsoorsimammata.
– Aalinermut naalakkersuisup erseqqissaatigissavaa Kalaallit Nunaanni aalisakkanik pisuussutinik iluaquteqarnermi piujuaannartitsinermik tunngaveqarneq Aalisarneq pillugu inatsimmi allassimammat ilisimatuussutsimullu tunngasuinnaat pinnagit aamma inatsimmi suliffissaqartitsiniarneq akilersinnaassuserlu soqutigineqarnissaat allaqqavoq, aalisermut naalakkersuisoq Finn Karlsen oqarpoq nangipporlu: taamaattumik allatut ajornartumik tamatuma kinguneranik ilisimatuut inassutaannut uniuuttumik aalajangiisoqartartussaavoq.
Jens B. Frederiksen Sisimiut eqqaani Ikertuup paavata avataani saattuarniarneq aggustip ulluisa 9-ani ammaqqinneqarmat sakkortuumik isornartorsiuivoq.
Sisimiut eqqaani Ikertuup paavata avataani saattuarniarneq ingerlassaaq oktoberip 31-ata tunngaanut. Pisassiissutigineqarput 350 tonsit aalajangersimasumillu angissusiliinnaat.