Aalisagartassat piniagassallu allannguuteqassanngillat

Aalisarnermut Siunnersuisoqatigiit siunnersuutaat inisseqqammersoq malissallugu Naalakkersuisut aalajangissappata, piniagassat aalisagartassallu aappaagu allannguuteqassanngillat.

Kalaallit Nunaanni Pinngortitaleriffiup innersuussutai Aalisarnermut Siunnersuisoqatigiit naliliinerminni atorpai. Pinngortitaleriffimmi pisortaaneq Klaus Nygaard, isumaqarpoq, qaleralinniarneq raajarniarnerlu - Kalaallit Nunatsinni pingaaruteqarnerpaasut - ukiuni arlalinni aalajaatsumik ingerlanneqarsimsut.

- Aalisargartasat amerlanerpaaffiat aatsaat taama qaffasitsigaaq, taamaammat amerlanernik aalisagartassinneqarsinnaaneq biologit siunnersuutigisinnaappassuk, tamanna iluarinassaqaaq, Klaus Nygaard oqarpoq.

Baffinip kangerliumarngani aalisagarneq pillugu ilisimatusarnissaq Kalaallit Nunaanni biologit canadamiunik peqateqarlutik ukiuni arlalinni ingerlassimavaat. Tamaani qaleraleqarferujussuaq biologinit nassaarineqarsimavoq.

Nunatta kitaata avannaani qaleralitassat 8.000 tonsiniit 13.000 tonsinut aappaagu qaffanneqarnissaat siunnersuutigineqarpoq.