Aalisagaqassuseq arfeqassuserlu pillugit misissuipput

Aalisagaqassuseq arfeqassuserlu misissorniarlugu Pinngortitaleriffiup aallartitai, ulluni makkunani kitaata sineriaani umiarsuarmik angalallutik misissuisut umiarsuarmut ilaaffigisaanut, alakkarpagut, sapaatillu akunnerini tullerni arfinillinni arfernik kisitseqataasussaq, Anna Sofie Steensgaard oqaloqatigaarput.

Arferit kisinniarlugit umiarsuarmi uani ilaavugut arfernillu kisitsiniartugut katilluta sisamaalluta. Arfernik kisitsisarnitsinni, seqernup nuineraniit tarrinnissaata tungaanut, akunnerit marlukkaarlugit qiianaqisumi paarlakaajaalluta umiarsuup qaavaniitarpugut. Isaannagut atorlugit arfernik kisitsisarpugut. Maani umiarsuarmi ekkoloddeqarpoq, taannali aalisagaqassutsimut misissuinermi atorneqartarpoq, annermik ammassaat qanoq amerlatigineri paasiniarlugit ekkoloddit atorneqarput, biologi arfeqassutsimik misissuisussaq, Anna Sofie Stensgaard oqarpoq.

Arferit amerlanersaasa ammassaat nerisaraat, ammassaqassuserlu arferit piuneranut sunniuteqarluartartut, Anna Sofie Stensgaard aamma oqarpoq.

- Maannakkumut kisitsisit paasissutissallu katersoriikkagut imaaliallaannarluta oqaatigisinnaanngilarput qanoq aalisagaqartiginera. Kisitsisit katersukkagut paasissutissallu sivisuumik misissorlugillu paasiniartussaavagut, Anna Sofie Steensgaard oqarpoq nangillunilu: - Arferit assigiinngitsorpassuit takuagut, takorusutagullu takuagut, kisianni aamma oqaatigisinnaanngikkallarparput, arfeqassuseq maannakkut qanoq innersoq, kisitsisimmi misissorluaqqaarlugit kingusinnerusukkut paasinarsiumaarmat, arfeqassuseq qanoq innersoq.

Island-miut umiarsuaat Bjarni, kisitsinermi atorneqarpoq, umiarsuarmilu inuttat katillugit 23-iupput. Pinngortitaleriffimmi atorfillip Anna Sofie Steensgaard-ip inuiaat assigiinngitsut angalaqatigalugit nuannarinerarpaa, ilaatigut danskit, islandimiut, svenskit kalaalerlu ataaseq angalaqataapput.

arfernik kisitsinermi aqutsisuusup Malene Simon-ip neriuutiginerarpaa, umiarsuarmi Bjarni-mi arfernik kisitsinermi kisitsisit katersorneqartut, aappaagu IWC ataatsimeersualerpat kisitsisit atorneqarsinnaassasut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat