Aalisagaq eqqumiitsoq Vietnamimiunit tupigusuutigineqarpoq

Vietnamimi oqartussat aalisartumut, aalisakkamik imaluunniit aalisakkanik eqqumiitsunik taakkuninnga pisaqarsinnaasumut akissarsisitsiniarlutik nalunaaruteqarput.

Taamaattorli aalisartut imaluunniit ilisimatusartut aalisakkamik qanoq ittumik pisaqarniarnissartik naluaat.

- Pisut toqqissisimajunnaartippaatigut. Paasinarsippat aalisakkat saassussisartut nungutaanissamut ulorianartorsiortunut ilaasut, taava toqorarsinnaanngilavut, tassami inatsisit nunanut tamalaanut atuuttut unioqqutinnianngilavut, Vietnamip kujataani imavinnut institutimi pisortap tullia oqarpoq.

Imavinnut institutimi ilisimatusartut, nalunnguartillutik saassunneqartut misissuivigisimavaat, kisianni suli annerusumik paasisaqartoqanngilaq. Taamaattorli saassussisut eqalussuaanissaat pasitsaanneqarpoq.