Aalisagaaqqat atoqateqarnissamut silaqanngitsut
Misissuinerummi takutippaa arnaviaarannguit angutivissat tiinganiarsaralutik qaninngoortut qanoq-iliorlutik qanillitsaaliortaraat. Politikenip nittartagaani tamanna allaaserineqarpoq.
Arnavissanngooq angutivissanut ima ajornanngitsigisumik nakutitsisarput: Angutivissat qaninnguuleraangata arnaviaaqqat arnaviaqatimik kusanarnerullutillu pilerinarnerusut tunuannut toqqortarput.
Guppymmi angutivissat arnavissat anisoorfiginissaat kisiat eqqarsaatigisarpaat, qanorluunniit akulikitsigisumik taama pigaluarunik soqutiginagu; tassa arnaviaaqqat piumappata piumanngippataluunniit!
Taamaammat angutivissat ingalassimatinniarlugit guppiet arnavissat arnaviaqatimik kusanarnerit pilerigineqarnerillu tunuinut toqqortertarput, taakku suffineruniassammata. Ilaa torrak?
- Aalajangersimasumik aappassarsioraanni allat qanoq namminermut pissusilersornerat sunneeqataasinnaavoq. Tamannaluuna tassa guppy-it arnavissat atorluartaraat, uumasut pissusilersortarnerannut Københavnip Universitetiani soraarummeersimasoq, Josefine Bohr Brask, oqarpoq.
Aalisagaaqqat guppy-it periaasaat uagut inuit immaqa ilinniarfigisinnaanerivut apeqqutaalerpoq. Sapaatip akunnerata naanerani matumani julefrokostertussat immaqa misilissinnaavaat?
