Aalisagaaqqat akuersissuteqaqqaarluni eqqunneqarsinnaapput

Aalisagaaqqanik poortukkakkut nunatsinnut nassiussineq siunissami pineqaatissiinermik kinguneqartalissaaq. Ilanngaaserisut siorna arlaleriarlutik aalisagaaqqanik uumatillugit nassuissanik naammattuuisarput, ilaalli aqqutaani toqoreertarsimapput.

Ilanngaaserisut qimmilisarlutik poortukkanik misissuigaangata, imigassanik, cigaritsinik ikiaroornartunillu unioqqutitsilluni eqqussanik nassaartarnerat nalinginnaavoq. Ukiunili kingullerni aalisagaaqqat uumatillugit nassiussat ilaat taava tippaattut naammattoorneqartalerput.

Akileraartarnermut akitsuuserinermullu pisortaqarfimmi siunnersorti Ark’aluk Vold qimmilisarluni allakkerivinnut misissuiartortartuuvoq.

- Poortukkanik misissuilluta naammattooratsigit aalisakkat poortukkat arlariit - ammarlugit takuagut aalisagarpaaluit ilarpassui toqorarsimasut. Puussiaq imermik immiinnariarlugu aalisakkanik 15-20-nik angisuunik mikisunillu immerneqartarsimavoq. Aviisinillu nerussaqqusiinnariarlugit karseeqqap iluanut ikineqariarlugit nassiunneqartarsimallutik. Ark’aluk Vold nassuiaavoq.

Aalisagaaqqat eqqunneqarnissaannut akuersissummik peqarsimanngikkaangat aalisakkat uumasortaat uumasut nakorsaannut tunniunneqartarput, arsaarinnissutigineqarallartarlutik.

- Uumasup nakorsaata aalajangertarpaa inuttaanut ingerlateqqinneqassanersut imaluunniit allamik iliuuseqartoqassanersoq, siunnersorti oqarpoq.

Aalisagaaqqat uumatitsivimmiut nassiunneqarnerminni ilarpassui toqusarsimapput, tippaallutik ikinnerpaartaalu uumasarlutik.

- Nunatsinni uumasuerniaqannginnera eqqusseriarnermut peqqutaaqataasarpoq, aamma timmisartukkut inuk feeriarluni aalisagarsisimaguni angerlamut nassarsinnaatitaaneq ajorpai, tigummiassat imerpalasunik ilaqaqqusaanngimmata, Ark’aluk Vold oqarpoq.

Poortukkanik nunatsinnut tikisitanik nakkutilliisut ataasiaannaratik aalisagaaqqanik nassiussat naammattoorpaat.

- Arlaleriarluta eqqusseriartunik naammattuuinikuuvugut.

Ark’aluk Vold aamma oqarpoq suli ukiormanna aalisagaaqqanik unioqqutitsillutik eqqussisunik naammattuugaqarnatik.

Uumasut nakorsaat Pia Cordt Olsen oqarpoq, aalisakkat siorna arsaarinnissutaasut inuttassaanut tunniunnagit uumasut ikinngutaannut tunniussimagitik.

- Aalisagaaqqat uumasut allat assigalugit nerisassaqartariaqarput silaannaqarluartumiittariaqarlutillu, taamaammat ikinnerpaamik ulluni qulini poortukkatut angallanneqarnissartik amerlanertigut sapertarpaat.

Tullianilli aalisagaaqqanik unioqqutitsilluni eqqusseriartoqarpat uumasunik sernissuinissamut inatsit malillugu pineqaatissinneqassasoq sulissutigissavarput, Pia Cordt Olsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat