Aalborgip umiarsuarnut talittarfia
Nioqqutissat allallu Danmarkimi Aalborg-miit Kalaallit Nunaannut assartorneqartarnerini akit qanoq innersut Royal Arctic Line-ip misissorteqqammivaa.
Akit pillugit misissuisimanermi nalunaarusiaq maannakkorpiaq Royal Arctic Line-mi pisortanit atuarneqaleruttorpoq, nalunaarusiarlu taanna decembarip qaammataani Royal Arctc Line-mi siulersuisuni ilaasortat nalilersussamaarpaat.
Nalunaarusiaq naapertorlugu iliuuseqartoqassappat Namminesornerullutik oqartussat aalajangeeqataassapput.
Nalunaarusiaq pillugu ullumikkut annertunerusumik oqaaseqartitsisinnaasimanngilagut, Royal Arctic Linelli aqutsinermut pisortaata Jens Anderen-ip oqaatigaa nalunaarusiap atuarnissaa qilanaarigini, annertunerusumilli oqaaseqarumannginnerarpoq.
Nalunaarusiamik suliarinnittuupput Siunnersuisarfik Carl Bro A/S.