Aalborgimi umiarsualivik sullissiinnassanersoq aalajangiiffigineqanngitsoortoq
Aalborgimi umiarsualivikGronlandshavni nunatsinnut sullissiinnassasoq suli aalajangiiffigineqanngimmat sulisut 130-it nalornipput ilumut suliinnassanerlutik.
Nunatsinni inatsartunut qinersisoqartussanngornera
pissutigalu aalborgimi umiarsualivik sullissiinnassanersoq aalajangiiffigineqanngitsoorpoq, aalborgimi umiarsualivimmi sulisunut pisortaaneq Jesper Balthazar - Christensen radioaviisimut oqarpoq sulisut ullut tamaasa aperiuartartut suliffitsik annaassanerlugu. umiarsualiviulli sullissiinnarnissaa suli aalajangiiffigineqanngimmat tamanna nalorninartorsiorfiullunilu toqqissisimanngitsoq Jesper Balthazar- Christensen oqarpoq.
Sulisut 130-it suliffitsik annaasinnaavaat tamatumalu saniatigut aalborgimi umiarsualivimmit sullissisut suliffeqarfiillu assigiinngitsut katillugit 500t missaaniittut eqqorneqartussaassangatinneqarput.
Umiarsualivimmi sullinikkut eqaallisaasoqarpoq umiarsualivittarnermilu akigitinneqartut apparsarneqarlutik aalajangiisoqarsimatinnaguli sulinitsinni nalorninartorsiorpugut pilersaarusiornissatsinnullu akimmisaartinneqarluta, Jesper Balthazar - Christensen oqarpoq.
Aalborgimi umiarsualiviup ukiumut 80 millioni koruunit kaaviiaartittarpai. Aalborgimi umiarsualivik Namminersonerullutik Oqartussanit Aalborg Havnimiillu pigineqarpoq.