Aalborgimi Kalaallit Illuuttaanni siulersuisut siulittaasuat peertussanngorpoq
Borgmesterip toqqartugaanik taarsiinissaq socialdemokratit byrådimi ilaasortaasa ataatsimoorlutik aalajangerpaat.
Mogens Sørensen Aalborgimi Kalaallit Illuutaata aningaasaataanik atornerluisimasutut upernaaq kingullerli uparuartorneqalerpoq, ilaatigut NORDJYSKE Stifttidendemi allaaserineqartut tunngavigalugit.
Siulittaasup 60-inik ukioqalerluni nalliuttorsiornini Kalaallit Illuutaannut akiligassanngortissimavaa, soorluttaaq nammineq nuliamilu aamma kalaallit illuata pisortartaavata nuliatalu ulluni 14-ini Kalaallit Nunaannut takutikkiartorlutik angalaqatigiissimanerat Kalaallit Illuutaannut akiligassanngortissimagaa.
Pisut tamarmik siulersuisunit akuerineqarsimasut oqaatigineqarput.
Mogens Sørensen ukiuni arfineq-pingasuni siulittaasuunermini arfineq-marloriarluni Kalaallit Nunaanniissimavoq.
Aalborgimi Kalaallit Illuutaat Aalborgip Kommuniat ukiumut 1,8 millioni koruuninik taperneqartarpoq, amerlaqataannik Namminersorlutik Oqartussat aamma tapiisarput.
Aalborgimi Kalaallit Illuutaata siulersuisuni Socialdemokratit ilaasortassamissut toqqarpaat Lars Bang Jensen. Kinali Mogens Sørensen taarserlugu siulersuisuni siulittaasunngussanersoq suli nalunarallarpoq, marsili nallertinnagu toqqaasoqarumaarpoq.
