Aalborgimi Kalaallit Illuutaat nuulersoq
![](/sites/default/files/styles/image_934x467/public/article_images/aalborg.jpg?itok=XvmubibK)
Avataaneersunut aammalu Kalaallit Illuutaata saqqumilaarnerunissaanut tamanna akornutaasoq oqaatigineqarpoq.
Aammattaaq Aalborgimi Kalaallit Illuutaata sulisorineqartut ukiuni kingullerni amerlisimapput kulturikkullu aaqqissuussinerit aamma amerleriarsimallutik, tamakkulu inini maanna atorneqartuni inissaaleqinermik kinguneqarput.
Illoqarfiup qeqqanut nuukkusuttut
Taarsiullugu illoqarfiup qeqqani ininik allanik nassaartoqarsinnaassasoq neriuutigineqarpoq, ornikkuminarnerussammat aammalu inissaqarnerussalluni.
Illu maanna atorneqartoq novembarip aallaqqaataani 2015-imi qimanneqassaaq. Ininik nutaanik suli nassaartoqarsimanngitsoq, Aalborgimi Kalaallit Illuutaat ilisimatitsivoq.