Aalborg nunatsinni sinniisoqarfiliulersaartoq
Nunat amerligaluttuinnartut Nunatsinni sinniisoqarfinnik ammaapput. Aalborg Kommunelu maanna aamma taamaaliornialersaarpoq.
Allattoq Martine Lind Krebs, Simon Uldum
Aviisi Nordjyske Stiftstidende naapertorlugu, kommunip nunani tamalaani suleqateqarnermut periusissaatut siunnersuummut nutaamut, kommunip qullersaanit Magistratenimit ippassaq akuerineqartumut tamanna ilaavoq.
Periusissaq tallimanik immikkoortortaqarpoq, taakkulu ilagaat Issittoq.
- Suli pilersinngilarput, taamaaliulersaarpugulli, borgmester Thomas Kastrup-Larsen, Nordjyske Stifttidendemut taama oqarpoq.
Aalborgip Nuuk aamma Ittoqqortoormiit illoqarfittut ikinngutigisarai, ataatsimiinnermilu tassani Aalborgip Danmarkimi illoqarfinni illoqarfittut ikinnguteqarnerpaajunera allanngortinneqassanngitsoq aamma aalajangiiffigineqarpoq.