Aalborgip umiarsuliavia Nunatta Danmarkimi qitiusumik umiarsualiviattut ataannassaaq.
Naalakkersuisut septembarip ulluisa 26-ianni ataatsimiinnerminni taama aalajangerput.
Siunnersuisartut COWI A/S attaveqaqatigiinnermut pisortaqarfik sinnerlugu Esbjergip, Århusip Aalborgillu akornanni suliarinnittussarsiortitsivoq, Aalborgilu periarfissaginnerpaatut nalilerneqarpoq.
Royal Arctic Line-p pisortaanerata, Jens Andersenip aalajangiineq iluaraa:
- Piginnaaneqarluartut allat unammillertigalugit Aalborg Havn toqqarneqarpoq, tamanullu suliarinnittussarsiuussinermi peqqissaartumik tutsuiginartumillu ingerlanneqartumi, Royal Arctic Line immikkoortuini tamani ilaatinneqarpoq, Jens Andersen oqarpoq.